Lugar

O Complexo do Corgo está situado no Parque Natural do Xurés e na Reserva da Biosfera Gerês-Xurés, en Mugueimes (Concello de Muiños, Ourense).

Ao carón destas instalacións atópase unha fermosa praia fluvial. Peirao con embarcadoiro flotante, embarcacións de remo, barco móbil, piraguas, barcos de auxilio e socorrismo, chalecos etc.

Neste lugar temos un albergue «O Corgo» para colectivos de 106 prazas, en dormitorios de 30, 20, 15, 10, 6 e 4 prazas, cociña con comedor panorámico sobre o encoro preparado para a práctica de diferentes actividades deportivas, comedor con vistas ao encoro – cafetería con terrazas abertas e un Edificio Socioxuvenil como centro xestor do Complexo.

No seu entorno máis próximo poderemos desfrutar dun arboreto e dun fermoso bosque de ribeira con numerosas especies autóctonas como carballos, salgueiros, freixos, amieiros, etc..